آپ سب نے وہ واقعہ یقیناً سن رکھا ہو گا کہ نبی کریم حضرت محمد ﷺ کے زمانے میں ۔۔۔مسجد نبوی کے اندر کھجور کی لکڑی کا ایک ستون ہوا کرتا تھا کہ جس سے ٹی…

آپ سب نے وہ واقعہ یقیناً سن رکھا ہو گا کہ نبی کریم حضرت محمد ﷺ کے زمانے میں ۔۔۔

مسجد نبوی کے اندر کھجور کی لکڑی کا ایک ستون ہوا کرتا تھا کہ جس سے ٹیک لگا کر آپؐ ۔۔۔ صحابہ کرام کو دین کی تعلیم دیا کرتے تھے ۔

لیکن بعد میں جب صحابہ کی تعدید زیادہ ہو گئی تو انہوں نے آپؐ کو دو قدموں کی اونچائی جتنا ۔۔۔

ایک چھوٹا سا ممبر بنا کر دے دیا کہ جس کے بعد طے یہ ہوا کہ آپؐ ۔۔۔ ستون سے ٹیک لگانے کے بجائے اس ممبر پر کھڑے ہو کر اپنا ۔۔۔ درس دیا کریں گے ۔

تاکہ سب لوگ آپؐ کو آسانی کے ساتھ دیکھ سکیں لیکن ۔۔۔ جس دن آپؐ نے ستون سے ٹیک لگانا چھوڑا اس دن ۔۔۔

أنس بن مالکؓ کہتے ہیں کہ ہم نے خود اپنے کانوں سے سنا کہ اس ستون میں سے ایسی آوازیں آنے لگیں کہ جیسے کوئی گمشدہ بچہ ۔۔۔

بلک بلک کر رو رہا ہو ۔

نبیؐ منبر سے اترے ۔۔۔ چل کر اس ستون تک گئے ، اسے اپنے سینے سے لگایا اور جونہی آپؐ نے اسے چھوا تو أنسؓ بتاتے ہیں کہ وہ ستون اچانک ہچکیاں لے لے کر رونے لگا ۔

اور پھر آپؐ نے قریب ہو کر اس کے ساتھ سرگوشی میں کوئی بات کی تب ۔۔۔ وہ ستون کہیں جا کر خاموش ہو گیا (مسند أحمد 13396)

بہت سے لوگوں نے اس ستون کے متعلق ۔۔۔ بس یہیں تک کا واقعہ ہی سن رکھا ہے لیکن صحابہ کرامؓ نے اس ستون کا بعد میں ۔۔۔

درأصل ایک نام بھی رکھا تھا ستون حنانہ ۔۔۔ یعنی بہت زیادہ رونے والا ستون ۔

اور نبی ﷺ کے بعد ایک ہائی رینکنگ صحابی حضرت أبی إبن کعبؓ ۔۔۔ اس ستون کو نبیؐ کے ایک تبرک کے طور پر ۔۔۔

اپنے ساتھ گھر لے گئے تھے کہ جہاں وہ ایک طویل عرصے تک رہا حتیٰ کہ ۔۔۔

دیمک نے کھا کر اسے مکمل طور پر ۔۔۔ ختم کر دیا ۔

اور أبی بتاتے ہیں کہ نبی ﷺ نے اس ستون کے قریب ہو کر ۔۔۔ یہ فرمایا تھا کہ خاموش ہو جا !

کیا تو اس بات پر خوش ہے کہ میں تجھے جنت میں لگوا دوں ؟ کہ جہاں سے جنتی تیرا پھل کھاتے رہیں گے ؟

تو اس بات پر لکڑی کے اس زندہ ستون کی ۔۔۔ سسکیاں رکی تھیں (وفاء الوفاء ج ۱ ص ۳۸۸)

ورنہ آپؐ نے فرمایا تھا کہ اگر میں اسے چپ نہ کرواتا تو اس ستون نے قیامت تک ۔۔۔ یونہی روتے رہنا تھا ۔

جو صحابی اس تنے یا ستون کو اپنے ساتھ لے کر گئے تھے یعنی أبی إبن کعبؓ ۔۔۔

وہ صحابی حضرت عثمانؓ کے زمانے تک زندہ رہے تھے اور اپنے آخری وقت میں وہ نبی کریم حضرت محمد ﷺ کی زندگی میں پیش آئے واقعات کے متعلق ۔۔۔

سارا سال لوگوں کو درس دیا کرتے تھے اور ان کی تعلیمات آج ۔۔۔ تاریخ کی قدیم کتابوں کے اندر ۔۔ مل جاتی ہیں ۔

ان ہی کتابوں میں درختوں سے متعلق أبی إبن کعبؓ نے ایک اور واقعہ ۔۔۔

ایک اور موقعے پر سنایا تھا کہ جہاں آپ فرماتے ہیں کہ عثمانؓ کے زمانے میں عجمیوں کی ایک جماعت ۔۔۔

مکہ کی طرف حج کے لیے چلی ۔ لیکن وہ لوگ صحراء کے سفر سے زیادہ ۔۔۔ واقف نہیں تھے ۔

راستے میں انہیں پیاس لگ گئی مگر پانی کا جو ٹکڑا انہیں نظر آیا وہ بھی ۔۔۔ کھارا پانی نکلا ۔

ان میں سے ایک نے کہا کہ کہیں ایسا نہ ہو کہ ہم یہ پانی پی کر بیمار ہو جائیں یا مر جائیں تو بہتر یہی ہے کہ ہم ۔۔۔ آگے چلتے ہیں ۔

لیکن چلتے چلتے شام ہو گئی مگر دوبارہ انہیں پانی ۔۔۔ کہیں نظر نہ آیا یہاں تک کہ ۔۔۔ ان لوگوں میں ایک بحث چھڑ گئی کہ اس سے بہتر تو یہی تھا کہ ہم کھارا پانی ہی پی لیتے ۔

اور اسی بحث میں ہی ۔۔۔ رات پڑ گئی اور وہ لوگ پیاس کی شدت سے ۔۔۔ نڈھال ہونا شروع ہو گئے یہاں تک ۔۔۔

کہ قریب موجود کیکر کے ایک ویران درخت میں سے ایک عجیب موٹا تازہ اور کالے سیاہ رنگ کا ایک آدمی نیچے اترا ۔۔۔

اور عجیب کھردری آواز میں بولا کہ میں نے اپنی قوم سے محمد الرسول اللہ (ﷺ) کا یہ فرمان سن رکھا ہے ۔۔۔

کہ مسلمان مسلمان کا بھائی ۔۔۔ اور اس کا محافظ ہے ۔

تم یہاں سے چلے جاؤ ۔۔۔ کیوں کہ یہاں تمہیں پانی ۔۔۔ کہیں نہیں ملے گا لیکن جب تم ایک ایسے ٹیلے پر پہنچو کہ جس کی شکل میں فلاں فلاں خصوصیات ہوں ۔۔۔

تو اس کے قریب چلے جانا کیوں کہ وہاں ۔۔۔ پانی کا ایک قدیم کنواں ہے ۔

اور پھر یہ کہہ کر وہ مخلوق دوبارہ ۔۔۔ کیکر میں چڑھ کر اس کی شاخوں میں کہیں ۔۔۔ گم ہو گئی ۔

زمین پر کھڑے قافلے والے دم بخود یہ سارا ماجرا حیرانی کے ساتھ دیکھتے رہے اور سوچا ۔۔۔ کہ کیا یہ کوئی بدروح یا کوئی شیطان تھا ؟

لیکن پھر کچھ بزرگوں نے کہا کہ نہیں ۔۔۔ شیاطین ایسی باتیں نہیں کرتے ، یقیناً یہ مسلمان جنات ۔۔۔ یا پھر انہی جیسی کوئی مخلوق ہو گی ۔

چنانچہ یہ لوگ اس پراسرار آدمی کی بتائی ہوئی جگہ کی طرف ۔۔۔ چل پڑے اور واقعی ۔۔۔ وہاں پر انہیں پانی کا ایک ۔۔۔ کنواں مل گیا ۔

(الہواتف من إبن أبی دنیا ص ۱۰۴ و مکارم الأخلاق)

اللہ تعالیٰ کی بنائی ہوئی یہ کائینات ۔۔۔ عجیب و غریب اور حیران کن رازوں سے بھری پڑی ہے کہ جن کے متعلق میرا دل چاہتا ہے ۔۔۔

کہ رات گئے کی اس محفل میں آپ کے ساتھ گاہے بگاہے ۔۔۔ ضرور شیئر کرتا رہا کروں ۔

میری اس محفل کو جوائن کرنے کے لیے ۔۔۔ آپ کا بہت شکریہ ۔

فرقان قریشی






Source from Furqan Qureshi Blogs Facebook Profile